निर्देशित कर्जा लगानी अनुसार प्रतिफल छैन : मनोज ज्ञवाली

२१ असार, काठमाडौं । नेपाल राष्ट्र बैंकले तोकेका क्षेत्रमा गरिएको कर्जा लगानीबाट उचित प्रतिफल नआएको नबिल बैंकका प्रमुख कार्यकारी अधिकृत मनोज ज्ञवालीले औंल्याएका छन् ।

संघीय संसदको प्रतिनिधिसभा अन्तर्गत अर्थ समितिमा आगामी आर्थिक वर्षको मौद्रिक नीतिले सम्बोधन गर्नु पर्ने विषय सुझाउँदै उनले तोकिएका क्षेत्रको कर्जा लगानीले अर्थतन्त्रमा योगदान हुन नसकेको बताए । बैंकले कुल कर्जाको ४५ प्रतिशत तोकिएका क्षेत्रमा लगानी गरेको बताउँदै उनले भने, ‘ऊर्जा बाहेक क्षेत्रमा भएको लगानी अनुसार प्रतिफल छैन ।’