गभर्नर पौडेलको पहिलो मौद्रिक नीतिका महत्वकांक्षी योजनाहरू नै असफल

काठमाडौं । ठूलो राजनीतिक खिचातानी र सेटिङबाट २०८२ जेठ ६ गते नेपाल राष्ट्र बैंकको गभर्नर नियुक्त भएका डा. विश्वनाथ पौडेलको पहिलो मौद्रिक नीति करिब असफल देखिएको छ । उनले २०८२ असार २७ गते चालु आव २०८२–८३ को लागि मौद्रिक नीति ल्याएर केही महत्वकांक्षी योजनासमेत घोषणा गरेका थिए । तर, चालु आव सकिनलाग्दा त्यस्ता महत्वकांक्षी योजनाले पूर्णाता पाउन नसकेको देखिएको छ ।

यति बेला राष्ट्र बैंक आगामी आवको मौद्रिक नीति ल्याउने अन्तिम तयारीमा छ । तर, चालु आवको मौद्रिक नीतिको कार्यान्वयन भने फितलो छ । यद्यपि, यसबीचमा भएको जेनजी आन्दोलन, त्यसपछिको राजनीतिक परिवर्तन, चुनाव लगायतले मौद्रिक नीति कार्यान्वयनलाई केही हदसम्म प्रभाव भने बनायो । तर, समग्रमा मौद्रिक नीतिको कार्यान्वयन फितलो भएको विज्ञहरु बताउँछन् ।