लगानी सम्मेलनमा प्रतिबद्धता जनाइएका अधिकांश आयोजना कार्यान्वयन हुँदै

विराटनगर । कोशी प्रदेश सरकारको पहिलो लगानी सम्मेलनमा प्रस्तुत भएका विभिन्न ७१ वटा आयोजनामध्ये अधिकांश आयोजना धमाधम कार्यान्वयन भइरहेका छन् ।

कोशी प्रदेश सरकारको गत वर्ष वैशाखमा भएको पहिलो लगानी सम्मेलनमा १ खर्ब ७३ अर्ब ४९ करोड लागतका विभिन्न ८ क्षेत्र पर्यटन, कृषि, उद्योग, ऊर्जा, पूर्वाधार, आईटी, स्वास्थ्य र पूर्वाधारसँग सम्बन्धित ७१ वटा परियोजना प्रस्तुत भएका थिए । ती आयोजनामध्ये ५१ वटामा त्यसैबेला लगानी प्राधिकरण र लगानीकर्ताबीच द्विपक्षीय एमओयू भएको थियो ।