कोरला सडकलाई पर्यटकीय राजमार्गका रूपमा विकास गर्ने सरकारको योजना

काठमाडौँ – सरकारले कालिगण्डकी करिडोर अन्तर्गत पर्ने कोरला सडकलाई पर्यटन प्रवर्द्धन केन्द्रित राजमार्गका रूपमा स्तरोन्नति गर्ने तयारी अघि सारेको छ।

संस्कृति, पर्यटन तथा नागरिक उडड्यन मन्त्री खडकराज पौडेलले मुस्ताङमा आयोजित पर्यटन विकास तथा प्रवर्द्धनसम्बन्धी छलफल कार्यक्रममा बोल्दै भैरहवादेखि कोरला नाकासम्मको सडकलाई छिटो स्तरोन्नति गरी पर्यटकीय राजमार्गका रूपमा रूपान्तरण गर्ने योजना रहेको जानकारी दिएका छन्। उक्त कार्यक्रम जिल्ला प्रशासन कार्यालयको आयोजनामा सम्पन्न भएको हो।