इरानका सर्वोच्च नेता आफ्ना पिता अली खामेनीको अन्त्येष्टिमा किन भए अनुपस्थित ?

इरान : पूर्व इरानी सर्वोच्च नेता अयातोल्लाह अली खामेनेईका तीन छोरा मोस्तफा, मेइसाम र मसुद खामेनीले आइतबार आफ्ना पिता तथा परिवारका अन्य चार सदस्यको शव अगाडि अन्तिम प्रार्थना गरे । तर अली खामेनीपछि इरानको सर्वोच्च नेता बनेका उनका छोरा मोज्तबा खामेनी भने अन्त्येष्टि कार्यक्रममा देखिएनन् ।

सरकारी टेलिभिजनले तेहरानस्थित विशाल धार्मिक परिसर इमाम खोमेनी मोसल्लाको प्रांगणमा राखिएका शवअगाडि तीन भाइले प्रार्थना गरिरहेको दृश्य प्रसारण गरेको थियो । धार्मिक शासनप्रति जनसमर्थन र क्रान्तिकारी उत्साह प्रदर्शन गर्ने उद्देश्यसहित इरानले अली खामेनीको सम्मानमा एक सातासम्म सामूहिक श्रद्धाञ्जली तथा अन्त्येष्टि कार्यक्रम आयोजना गरेको छ । यसअन्तर्गत उनको पार्थिव शरीर छिमेकी इराकका प्रमुख शिया धार्मिक तीर्थस्थलहरूमा पनि लगिने कार्यक्रम छ ।