सरकारको १०० दिनको कामप्रति प्रगतिशील लोकतान्त्रिक पार्टी असन्तुष्ट, राष्ट्रियता र अर्थतन्त्रमा प्रश्न

काठमाडौं- प्रगतिशील लोकतान्त्रिक पार्टीले सरकारको पहिलो १०० दिनको कार्यसम्पादन अपेक्षाअनुसार हुन नसकेको निष्कर्ष निकाल्दै राष्ट्रियता, अर्थतन्त्र, सुशासन र लोकतान्त्रिक मूल्य–मान्यताप्रति गम्भीर चिन्ता व्यक्त गरेको छ।

आइतबार आयोजित पत्रकार सम्मेलनमा पार्टीले सार्वजनिक गरेको धारणा पत्रमा सरकारका केही मितव्ययिता र प्रशासनिक सुधारका प्रयासलाई सकारात्मक रूपमा लिइए पनि आर्थिक संकट न्यूनीकरण, रोजगारी सिर्जना, उत्पादन वृद्धि, महँगी नियन्त्रण, उद्योग–व्यवसाय प्रवर्द्धन र सार्वजनिक सेवा सुधारमा अपेक्षित उपलब्धि हासिल हुन नसकेको उल्लेख गरिएको छ।