आमिर खानले गौरी स्प्राटसँग गरे तेस्रो विवाह, सार्वजनिक भयो विवाहको पहिलो तस्बिर

बलिउडका चर्चित अभिनेता आमिर खान र उनकी प्रेमिका गौरी स्प्राटले कानुनी रूपमा विवाह गरेका छन्। दुवैले विशेष विवाह ऐनअन्तर्गत आईतवार रजिस्टर्ड विवाह गरेर नयाँ जीवनको सुरुवात गरेका हुन्।

विवाहपछि आमिरको टोलीले सामाजिक सञ्जालमार्फत नवविवाहित जोडीको पहिलो आधिकारिक तस्बिर सार्वजनिक गरेको छ। सार्वजनिक तस्बिरमा आमिर र गौरी भुइँमा बसेर विवाह दर्तासम्बन्धी कागजातमा हस्ताक्षर गरिरहेको देखिन्छ। उनीहरूसँग परिवारका सदस्य र सन्तानहरू पनि उपस्थित रहेको बताइएको छ।