इराकी महिला सांसदको सुनको अन्डरवेयरकाे चर्चा: भाइरल दाबीको सत्य के हो?

इराकमा भ्रष्टाचारविरुद्ध सञ्चालन भइरहेको व्यापक अभियानका क्रममा एक महिला सांसदको घरबाट ५ करोड ७० लाख अमेरिकी डलर, २७ किलोग्राम सुन र ‘सुनको अन्डरवेयर’ बरामद भएको भन्ने दाबी सामाजिक सञ्जालमा तीव्र रूपमा फैलिएको छ। तर, अन्तर्राष्ट्रिय सञ्चारमाध्यमहरूले गरेको तथ्य जाँचले यो दाबी पुष्टि नभएको र भ्रामक रहेको निष्कर्ष निकालेका छन्।

तथ्य जाँचअनुसार, भाइरल दाबीमा इराकमा भएका दुई फरक घटनालाई एकआपसमा मिसाइएको छ। इराक सरकारले भ्रष्टाचार नियन्त्रण अभियानअन्तर्गत केही सांसद, उच्च सरकारी अधिकारी र कर्मचारीमाथि अनुसन्धान तथा पक्राउको प्रक्रिया अघि बढाएको तथ्य भने सत्य हो। तर, हिन्द अल–अब्बासी नामकी सांसदको घरबाट ‘सुनको अन्डरवेयर’, ५ करोड ७० लाख डलर नगद र २७ किलोग्राम सुन बरामद भएको दाबीलाई कुनै पनि आधिकारिक निकायले पुष्टि गरेको छैन।