डोल्पामा जिप दुर्घटना : एक जनाको मृत्यु, १३ जना घाइते

सुर्खेत । डोल्पाको मौरेलेखमा जिप दुर्घटना हुँदा एक जनाको मृत्यु भएको छ । मृत्यु हुनेमा जिपमा सवार त्रिपुरासुन्दरी नगरपालिका–८, डोल्पाका ३८ वर्षीय विष्णु थापा रहेकी छिन् । डोल्पा प्रहरीका अनुसार, उनको घटनास्थलमै मृत्यु भएको हो । यस्तै दुर्घटनाका अन्य १३ जना घाइते भएका छन् ।

आइतबार दिउँसो करिब १ः५० बजे जगदुल्ला गाउँपालिका ४ माझगाउँबाट जुम्लातर्फ जाँदै गरेको कर्णाली प्रदेश ००१ ज ००५२ नम्बरको बोलेरो जिप आफैँ अनियन्त्रित भई सडकबाट करिब २०/ २५ मिटर तल खसेर दुर्घटना डोल्पा प्रहरीले जनाएको छ।