सहकारी विभागले भन्यो: सहकारी बैंकको चुनावमा राजनीतिक प्यानल बनाएर प्रतिस्पर्धा नगर्नू

काठमाडौं । सहकारी विभागले सहकारी संघ संस्थाहरूको निर्वाचनमा राजनीतिक दलहरूले दलीय आस्थाका आधारमा प्यानल खडा गरी प्रतिस्पर्धा गर्ने कार्यप्रति गम्भीर ध्यानाकर्षण भएको जनाएको छ । विभागले बिहीबार एक विज्ञप्ति जारी गर्दै यस्ता गतिविधिले सहकारीको मर्म र मूल्य–मान्यतामा आँच पुग्ने बताएको हो ।

विभागका अनुसार राष्ट्रिय सहकारी बैंक लगायतका विभिन्न सहकारी संघ संस्थाहरूको सञ्चालक समितिको निर्वाचनमा राजनीतिक हस्तक्षेप बढ्दै गएको र दलीय आधारमा प्यानल बनाएर चुनाव लड्ने गरिएको विषयमा ध्यानाकर्षण भएको उल्लेख गरेको छ ।