मुख्यमन्त्री आचार्यको प्रतिबद्धतापछि लुम्बिनी प्रदेशसभा बैठक पुन: सुरु

लुम्बिनी प्रदेशसभाको बैठक मुख्यमन्त्री चेतनारायण आचार्यको विशेष सम्बोधनपछि पुनः सुरु भएको छ । प्रमुख प्रतिपक्षसहितका दलले बैठक बहिष्कार गरेपछि आधा घण्टाका लागि स्थगित भएको थियाे । मुख्यमन्त्री आचार्यले प्रतिपक्षले उठाएका विषयमा सरकारको धारणा सार्वजनिक गरेपछि बैठक सञ्चालनमा आएको हो ।

बैठकमा सम्बोधन गर्दै मुख्यमन्त्री आचार्यले बजेट विनियोजनका क्रममा छुटेका तथा अपुग भएका योजनालाई विभिन्न माध्यमबाट सम्बोधन गर्दै सरकार अघि बढ्ने प्रतिबद्धता व्यक्त गरे । महत्त्वपूर्ण आयोजनामा आवश्यक बजेट थप गर्ने, क्रमागत योजनामा रकमान्तरमार्फत स्रोत व्यवस्थापन गर्ने तथा आवश्यक आयोजनालाई बहुवर्षीय योजनामा समावेश गरेर कार्यान्वयन गरिने उनले बताए ।