साउदी अरेबियाविरुद्ध भिड्दै नेपाल, तेस्रो जित निकाल्दै सेमिफाइनल यात्रा सुरक्षित गर्ने लक्ष्य

एसीसी मेन्स प्रिमियर कप २०२६ अन्तर्गत नेपालले आज साउदी अरेबियासँग प्रतिस्पर्धा गर्दैछ। मलेसियामा जारी प्रतियोगिताको समूह ‘ए’ अन्तर्गत हुने खेल अहिले बिहान ७ः१५ मा सुरू हुनेछ। नेपाल लगातार तेस्रो जित निकाल्दै सेमिफाइनल प्रवेशको सम्भावना बलियो बनाउने लक्ष्यमा मैदान उत्रिँदैछ।

नेपाल र साउदी अरेबियाबीचको खेल क्वालालम्पुरस्थित बायुएमास ओभलमा हुनेछ। नेपालले प्रतियोगिताको पहिलो खेलमा बहराइनलाई सात विकेटले तथा दोस्रो खेलमा आयोजक मलेसियालाई ६ विकेटले पराजित गर्दै समूहको दोस्रो स्थानमा रहेको छ।