पात्र मात्र फेरिने तर नेतृत्वशैली नफेरिने परिवर्तन हामीले खोजेका होइनौँ : रक्षा बम

काठमाडौँ । जेनजी अभियन्ता रक्षा बमले सरकारका पछिल्ला नियुक्तिमाथि प्रश्न उठाउँदै पात्र मात्रै फेरिएर नेतृत्वशैली नफेरिने परिवर्तन स्वीकार्य नहुने बताएकी छन् ।

फेसबुकमा आइतबार धारणा सार्वजनिक गर्दै बमले निर्वाचन आयोगमा प्रमुख निर्वाचन आयुक्त र आयुक्तहरूको सिफारिस तथा विश्वविद्यालयहरूमा उपकुलपति नियुक्ति भए पनि तीमध्ये एक जना पनि महिला नरहेको उल्लेख गरेकी छन् । उनले सीमान्तकृत समुदायको प्रतिनिधित्वसमेत नदेखिएको टिप्पणी गरेकी छन्।