तेहरानले पछिल्लो अमेरिकी प्रस्तावको समीक्षा गरिरहेको छ : इरानी विदेश मन्त्रालय

तेहरान । अमेरिकी राष्ट्रपति डोनाल्ड ट्रम्पले इरानलाई शान्ति सम्झौतामा प्रतिबद्ध हुन धम्की दिँदै गर्दा पश्चिम एसियामा द्रुत गतिको कूटनीतिक घटनाक्रम जारी रहेको जनाइएको छ । इरानीको सरकारी समाचार एजेन्सी नूर न्यूजले बिहीबार विदेश मन्त्रालयका प्रवक्ता इस्माइल बाघाईलाई उद्धृत गर्दै इरानले अमेरिकी विचारहरू प्राप्त गरिसकेको र यसको समीक्षा गरिरहेको जनाएको छ ।

अमेरिकी पक्षले आफ्नमो प्रस्ताव पाकिस्तानी मध्यस्थकर्ताहरू मार्फत पठाइएको तेहरानले बताएको छ । इरानको विदेश मन्त्रालयका अनुसार पाकिस्तानले तेहरान र वासिङ्टनबिच सन्देश आदान–प्रदानमा मध्यस्थता जारी राखेको छ भने इरानको मुख्य १४ बुधे शान्ति योजनाको आधारमा धेरै चरणको सञ्चार भएको जनाइएको छ ।