खोटाङको सावाखोलामा निर्मित मोटरेबल पुल सञ्चालनमा

खोटाङको सावाखोलामा मोटरेबल पक्की पुल सञ्चालनमा आएको छ। जिल्लाको पुरानो सदरमुकाम खोटाङ बजारलाई छिमेकी भोजपुर जोड्ने सडक खण्डअन्तर्गत पर्ने सावामा नवनिर्मित पक्की पुल शनिबार उद्घाटन भएसँगै सञ्चालनमा आएको हो।

सङ्घीय सरकारको समपूरक अनुदान रकममा खोटेहाङ गाउँपालिकाले निर्माण गरेको पुलको खोटेहाङ गाउँपालिका अध्यक्ष उदिमबहादुर राई (मुक्ति) र उपाध्यक्ष रुपेश राईले शनिबार उद्घाटन गरेसँगै विधिवत् सञ्चालनमा आएको हो।