सन्तुलित समाचारले न्यायपालिकामा विश्वास बढ्छ : प्रधानन्यायाधीश शर्मा

काठमाडौँ। प्रधानन्यायाधीश मनोजकुमार शर्माले अदालतका फैसला वा आदेश, न्यायिक प्रक्रिया तथा कानुन विषयलाई यथार्थ र सन्तुलित रूपमा प्रस्तुत गर्न सकिएमा न्यायपालिकाप्रतिको जनविश्वास अझ सुदृढ बन्ने बताएका छन्।

सर्वोच्च अदालतमा शुक्रबार आयोजित अदालत र सञ्चारकर्मीबीच अन्तर्क्रियामा उनले नागरिकको सुसूचित हुने अधिकारको प्रभावकारी कार्यान्वयन स्वतन्त्र, निष्पक्ष र जिम्मेवार सञ्चारमाध्यममार्फत नै सम्भव हुने भन्दै न्यायपालिकाका गतिविधि सन्तुलित रूपमा जनसमक्ष प्रस्तुत गर्न सके न्यायपालिकाप्रतिको जनविश्वास अझ सुदृढ बन्ने बताएका हुन्।