न्यून गुणस्तर भेटिएपछि ‘डाबर हनी’ बजारबाट फिर्ता गर्न विभागको आदेश

काठमाडौं । खाद्य प्रविधि तथा गुण नियन्त्रण विभागले डाबर नेपाल प्रा.लि.द्वारा उत्पादन गरिएको ५०० ग्रामको ‘डाबर हनी’ (मह) बजारबाट तत्काल फिर्ता गर्न आदेश जारी गरेको छ ।

विभागले बजार अनुगमन तथा निरीक्षणका क्रममा संकलन गरिएको महको नमुना खाद्य स्वच्छता तथा गुणस्तर ऐन, २०८१ बमोजिम प्रयोगशालामा परीक्षण गर्दा उक्त उत्पादन न्यूनस्तरको पाइएपछि फिर्ता (रिकल) प्रक्रिया अघि बढाएको जनाएको छ ।