युक्रेन युद्ध रोक्न पुटिनसँग अमेरिकी टोलीको तीन घण्टा लामो वार्तामा के भयो ?

युक्रेनमा जारी रूसको युद्ध अन्त्य गर्ने विषयमा नयाँ वार्ताका लागि रूसी राष्ट्रपति भ्लादिमिर पुटिनले शनिबार क्रेमलिनमा अमेरिकी दूत स्टिभ विटकफ र जारेड कुशनरसँग भेट गरेका छन्।

बन्द ढोका पछाडि तीन घण्टाभन्दा बढी समय चलेको बैठक कुनै ठोस निष्कर्षमा नपुगेर समाप्त भएको छ। पुटिनका विदेश नीति सल्लाहकार युरी उशाकोभले वार्तालाई रचनात्मक र स्पष्ट बताएका छन्। तर उनले कुनै विशेष सहमति वा उपलब्धिबारे जानकारी दिएनन्। विटकफ र कुशनर आइतबार युक्रेनको राजधानी कीभ जाने अपेक्षा गरिएको छ।