फेवातालमा डुबेर युवकको मृत्यु

फेवातालमा पौडी खेल्ने क्रममा डुबेर एक युवकको ज्यान गएको छ। पोखरा महानगरपालिका–११ काहुँखोला बस्ने अन्दाजी २७ वर्षीय रिवाज गुरुङ फेवातालमा पौडी खेल्ने क्रममा बेपत्ता भएका थिए। तालमा बेपत्ता भएका उनलाई खोजी गर्ने क्रममा प्रहरीले अचेत अवस्थामा फेला पारेको थियो।

युवक हराएको खबर प्राप्त हुनासाथ सशस्त्र प्रहरी बलको २४ नम्बर गण कालिकाबाट सशस्त्र प्रहरी सहायक निरीक्षक अमृत क्षेत्रीको कमाण्डमा १३ जनाको टोली परिचालन गरिएको थियो। उक्त टोलीमा विशेषज्ञ गोताखोर र उद्धार टोली सामेल थिए।