राप्रपामा समायोजनका काम टुंग्याउन बुद्धिमान तामाङ र राजीव पराजुलीलाई जिम्मेवारी

काठमाडौँ । राष्ट्रिय प्रजातन्त्र पार्टीले पार्टी समायोजनका बाँकी काम टुंगो लगाउन राप्रपाबाट वरिष्ठ उपाध्यक्ष बुद्धिमान तामाङ र तत्कालीन राप्रपा नेपालबाट नेता राजीव पराजुलीलाई जिम्मेवारी दिएको छ । जेठ १ गते बसेको पार्टीको केन्द्रीय कार्यसम्पादन समितिको बैठकले नेताद्वय तामाङ र पराजुलीलाई जिम्मेवारी दिएको हो ।

राप्रपाका प्रवक्ता मोहन श्रेष्ठले राप्रपाको केन्द्रीय कार्यसम्पादन समितिमा राप्रपा नेपालबाट ७ जनाको समायोजन भइसकेको छ। अन्य निकायमा समायोजनका बाँकी कामहरू टुंगो लगाउन तामाङ र पराजुलीलाई जिम्मेवारी दिइएको जानकारी दिएका छन् ।