भरतपुर अस्पतालले आईसीयूमा प्रतिक्षारत बिरामीको नाम ‘डिस्प्ले बोर्ड’मा राख्ने

चितवनको भरतपुर अस्पतालले सघन उपचार कक्ष (आईसीयू) सेवामा पारदर्शिता, निष्पक्षता र सहज पहुँच सुनिश्चित गर्न प्रतिक्षारत बिरामीको विवरण डिस्प्ले बोर्ड (विद्युतीय सूचना पाटी) मार्फत सार्वजनिक गर्ने व्यवस्था लागू गरेको छ ।

नयाँ व्यवस्थाअनुसार आईसीयूमा शय्या उपलब्ध भएपछि सम्बन्धित बिरामी वा उनका आफन्तलाई मोबाइल फोनमार्फत सन्देश (एसएमएस) पठाई जानकारीसमेत गराइनेछ ।