सन्दर्भ : विश्व रक्तदाता दिवस : मानवताको एक थोपा रक्तदान गरौं, जीवन बचाऔं

विश्वमा आएको स्वास्थ्य चेतना क्रान्तिसँगै संसारमा प्रविधिको विकास र विभिन्न किसिमका उपचार पद्धति विकास भएको छ । त्यस क्रममा नेपालमा पनि रक्तसञ्चार स्वास्थ्य सेवाको शुरूवात भएको हो । यसै कुराको सिलसिलामा नेपालका प्रथम रक्तदाता एवं समाज सेवाका अग्रणी पिता स्व. दयावीर सिंह कंसाकारको नाम बिर्सन सकिंदैन । नेपालमा रक्तसञ्चार सेवाको शुरूवात वि.सं. २०२३ मा लक्ष्मी ब्लड बैंकबाट शुरू भएको हो ।

सो समयमा स्वयंसेवी रक्तदाताभन्दा रगतको व्यापार गर्ने वा पेसेवर रक्तदाताहरूले रगत दिने गरेको थिए । यस्ता डोनरबाट दिइएको रगत स्वस्थ तथा सुरक्षित हुनेमा निकै आशंका थियो । उक्त समयमा विभिन्न रक्तदान गर्ने संस्थाहरूको स्वयंसेवीहरूबाट व्यक्तिहरूलाई निरूत्साहित गर्ने गरिन्थ्यो । २०३८ सालमा आएर नेपालमा पेसेवर रक्तदाताहरूलाई प्रतिबन्ध लगाइएको थियो । सो पश्चात् नेपालमा स्वयंसेवी रक्तदाता र बिरामीका आफन्तहरूबाट सोधभर्नाका लागि मात्र रक्तदान लिन÷दिन थालियो ।