जेनजी आन्दोलनमा जलेको भन्दै गण्डकीले खर्च गरेको साढे ४ अर्बको लेखा परीक्षण भएन

पोखरा । यातायात व्यवस्था कार्यालय कास्कीको सवारी तर्फ यो वर्ष १ अर्ब ४९ करोड ६६ लाख रुपैयाँको हिसाब गायब भएको छ । जेनजी आन्दोलनका कारण फाइल जलेको भन्दै कार्यालयले लेखापरीक्षणका लागि विवरण उपलब्ध गराउन सकेन ।

सवारी चालक अनुमतिपत्र तर्फ पनि २६ करोड ५१ लाख ५३ हजारको लेखापरीक्षण हुन सकेन । भदौ २३ र २४ गते भएको आन्दोलनको निशानामा थिए यी दुई कार्यालय । सबैभन्दा धेरै क्षति ब्यहोरेको अर्को कार्यालय हो प्रदेश सभा सचिवालय । धेरै सवारी साधन र भौतिक संरचना जलेको यो कार्यालयले २७ करोड ९३ लाख ३६ हजारको हिसाब देखाउन सकेन ।