एनपीएल अक्सनका लागि १५५ खेलाडीको सूची सार्वजनिक, 'ए' श्रेणीमा ५ खेलाडी (सूचीसहित)

काठमाडौं । नेपाल क्रिकेट संघ (क्यान) ले सिद्धार्थ बैंक नेपाल प्रिमियर लिगको तेस्रो संस्करणका लागि अक्सन पुल सार्वजनिक गरेको छ । संघले अक्सनका लागि छनोट भएका कुल १५५ खेलाडीहरूको नामावली सार्वजनिक आइतबार एक विज्ञप्तिमार्फत गरेको हो ।

क्यानका सचिव पारस खड्काद्वारा जारी प्रेस विज्ञप्तिमा अक्सनमा सहभागी हुने खेलाडीहरूलाई 'ए', 'बी' र 'सी' गरी तीनवटा श्रेणीमा विभाजन गरिएको छ । अक्सनमार्फत सहभागी फ्रेन्चाइज टिमहरूले यी श्रेणीहरूबाट खेलाडी खरिद गर्नुपर्नेछ ।