मुक्तिनाथ विकास बैंकको शैक्षिक सहयोग, एक हजारभन्दा बढी विद्यार्थी लाभान्वित

काठमाडौँ / मुक्तिनाथ विकास बैंकले आफ्नो संस्थागत सामाजिक उत्तरदायित्व कार्यक्रमअन्तर्गत देशका विभिन्न सरकारी विद्यालयका एक हजारभन्दा बढी विद्यार्थीलाई शैक्षिक सामग्री तथा अध्ययन सहयोग उपलब्ध गराएको छ।

बैंकले शिक्षाको प्रवर्द्धन तथा बालबालिकाको शैक्षिक पहुँच विस्तार गर्ने उद्देश्यले विद्यालय पोसाक, स्कुल ब्याग, स्टेशनरी सामग्री, खेलकुद सामग्री, शैक्षिक उपकरण तथा आर्थिक सहयोग वितरण गरेको जनाएको छ।