एनपीएल अक्सनका लागि १५५ खेलाडी छनोट

काठमाडौं । तेस्रो संस्करणको सिद्धार्थ बैंक नेपाल प्रिमियर लिग (एनपीएल) का लागि हुने खेलाडी अक्सनमा सहभागी हुने १५५ खेलाडीको अन्तिम सूची सार्वजनिक गरिएको छ ।

नेपाल क्रिकेट संघ (क्यान)का अनुसार प्रतियोगिताका लागि कुल ३४७ खेलाडीले नाम दर्ता गराएका थिए। तीमध्ये छनोट प्रक्रियापछि १५५ खेलाडीलाई अक्सनका लागि योग्य ठहर गरिएको हो । अक्सन सोमबार काठमाडौंमा आयोजना हुनेछ ।