विद्युत् नियमन आयोगका पदाधिकारी नियुक्तिको लागि आवेदन आह्वान

काठमाडौं : सरकारले खुला प्रतिस्पर्धामार्फत विद्युत् नियमन आयोगका रिक्त पदाधिकारी नियुक्तिका लागि आह्वान गरेको छ।

ऊर्जा, जलस्रोत तथा सिँचाइ मन्त्रालयले आज सूचना प्रकाशित गरी आयोगका एक अध्यक्ष र चार सदस्य पदका लागि योग्य तथा इच्छुक व्यक्तिबाट आवेदन माग गरेको हो। चार सदस्यमध्ये एक पद महिलाका लागि सुनिश्चित गरिएको मन्त्रालयले जनाएको छ।