रसुवा–नुवाकोटमा राति भारी वर्षाको सम्भावना, उच्च सतर्कता अपनाउन आग्रह

जल तथा मौसम विज्ञान विभाग, मौसम पूर्वानुमान महाशाखाले बाढी प्रभावित रसुवा, नुवाकोट र धादिङ आसपासका क्षेत्रमा आज राति मध्यमदेखि भारी वर्षा हुन सक्ने भन्दै उच्च सतर्कता अपनाउन आग्रह गरेको छ।

महाशाखाका वरिष्ठ मौसमविद् मिनकुमार अर्यालका अनुसार पछिल्लो २४ घण्टामा देशका विभिन्न स्थानमा मध्यमदेखि भारी तथा केही स्थानमा धेरै भारी वर्षा भएको छ। सिन्धुपाल्चोकको जामु–गोब्रे क्षेत्रमा ११६ दशमलव ६ मिलिमिटर, लुम्बिनी प्रदेशको घोराहीमा १०२ दशमलव ४ मिलिमिटर, कोशी प्रदेशको लुमानथाङमा ७६ दशमलव २ मिलिमिटर र परासीमा ७० दशमलव ४ मिलिमिटर वर्षा मापन भएको छ। बन्दीपुरमा पछिल्लो ६ घण्टामा ४३ दशमलव ८ मिलिमिटर वर्षा भएको छ।