कृत्रिम ताल फुट्ने जोखिमपछि तिब्बतमा उद्धार रोकियो, ५५० बढी बेपत्ता

काठमाडौँ– नेपाल–चीन सीमावर्ती तिब्बतमा गएको भीषण पहिरोपछि नदी थुनिएर बनेको कृत्रिम ताल फुट्ने जोखिम बढेपछि चिनियाँ अधिकारीहरूले उद्धार तथा खोजी कार्य तत्कालका लागि रोकेका छन्।

गत बुधबारको पहिरो र त्यसपछि आएको लेदोसहितको बाढीले नेपाल–चीन सीमास्थित जिरोङ (केरुङ) नाकामा ठूलो क्षति पुर्‍याएको थियो। पहिरोका कारण नदीको बहाव रोकिँदा बनेको तालमा पछिल्लो समय पानीको सतह तीव्र रूपमा बढिरहेको अधिकारीहरूले बताएका छन्।