जसपा नेपाल मधेस संसदीय दलको नेतामा पुनः यादव

जनकपुर । जनता समाजवादी पार्टी नेपाल मधेस प्रदेशको संसदीय दलको नेता सरोज यादव (बारा) चयन भएका छन् । जसपा नेपाल र लोकतान्त्रिक समाजवादी पार्टी नेपालबिच एकता भएपछि एकीकृत पार्टीको संसदीय दलको नेतामा यादवलाई चयन गरेको जसपा नेपाल प्रदेश सांसद सञ्जय यादवले बताए ।

यसअघि पनि जसपा नेपाल संसदीय दलको नेता यादव नै थिए । एकीकृत पार्टीको नेतामा पनि उनी चयन भएका छन् । दुवै पार्टी एक भएपछि जेठ १ गते मधेस प्रदेशसभामा जसपा नेपाल दल दर्ता भएको थियो ।