काठमाडौं महानगरको नीति: ‘सिक्दै कमाउँदै’ देखि ‘बाइक एम्बुलेन्स’ सम्मका योजना

काठमाडौं । काठमाडौं महानगरपालिकाले आर्थिक वर्ष २०८३–८४ को नीति तथा कार्यक्रम सार्वजनिक गरेको छ । नगरसभाको १९औँ अधिवेशनको पहिलो बैठकमा कार्यवाहक मेयर सुनिता डंगोलले उक्त नीति तथा कार्यक्रम प्रस्तुत गरेकी हुन् ।

महानगरले यस पटक पनि काठमाडौंको ऐतिहासिकता, सांस्कृतिक सम्पदा, भौतिक र आधुनिक सहरी सभ्यतालाई प्रमुख आधार बनाएको छ । परिवर्तित परिवेश र महानगरवासीको चाहना अनुसार काठमाडौंलाई समावेशी, सुशासनयुक्त, प्रविधिमैत्री, सुरक्षित, स्वच्छ, स्वस्थ, हरित र नवप्रवर्तनमुखी स्मार्ट सहरका रूपमा रूपान्तरण गर्ने लक्ष्य लिइएको छ ।