मेट्रोमा मोदी :  बालबालिका दङ्ग, यात्रुसँग आत्मीय कुराकानी

काठमाडौँ । भारतका प्रधानमन्त्री नरेन्द्र मोदी शनिबार साँझ दिल्ली मेट्रोमा अचानक यात्राका रूपमा देखिएपछि स्कुले बालबालिकासहित यात्रुहरू खुसी र आश्चर्यमा परे । मोदी करिब २० मिनेटको यात्राका क्रममा येलो लाइनको मेट्रो चढेर दिल्ली विश्वविद्यालयस्थित ‘विश्वविद्यालय’ स्टेसनसम्म पुगेका थिए । मेट्रोमा प्रवेश गर्नुअघि उनले ट्राभल कार्ड प्रयोग गरी टिकटिङ गेट पार गरेका थिए ।

मेट्रोको डिब्बामा पुगेपछि मोदीले विभिन्न उमेर समूहका स्कुले विद्यार्थीहरूसँग हात मिलाउँदै कुराकानी गरे । उनले बालबालिकासँग सहज रूपमा संवाद गर्नुका साथै केही महिला यात्रुसँग पनि कुराकानी गरेका थिए ।