मनास्लु र लार्केपासमा पदयात्रा नगर्न प्रशासनको आग्रह

उत्तरी गोरखाको चुमनुब्री गाउँपालिका–४ नाम्रुङस्थित बूढीगण्डकी र थेराङ खोलाको बाढीले दुई पुल बगाएपछि मनास्लु पदमार्ग र लार्केपास पदमार्गमा पदयात्रा गर्न रोक लगाइएको छ।

आइतबार जिल्ला प्रशासन कार्यालय गोरखाले एक सूचना जारी गर्दै मनास्लु पदमार्ग तथा लार्केपास पदमार्गमा पदयात्रा नगर्न र नगराउन पर्यटन व्यवसायी तथा पदयात्रीहरूलाई आग्रह गरेको हो।