क्षतिग्रस्त पूर्वाधार निर्माणमा सहयोग गर्ने निर्माण व्यवसायी महासंघको प्रतिबद्धता

२१ भदौ, काठमाडौं । नेपाल निर्माण व्यवसायी महासंघको प्रतिनिधिमण्डलले नुवाकोट जिल्लाका विभिन्न ठाउँमा भएको मानवीय तथा भौतिक क्षतिको स्थलगत निरीक्षण गरेको छ ।

१० भदौमा रसुवाको भोटेकोशी हुँदै त्रिशूली नदीमा आएको भीषण बाढीले ठूलो मानवीय तथा भौतिक क्षति गरेको छ । महासंघ अध्यक्ष निकोलस पाण्डे नेतृत्वको प्रतिनिधिमण्डलले निर्माण व्यवसायी संघ नुवाकोटका प्रतिनिधिहरूसँगै देवीघाट, ढुङ्गे, गेर्खुटार, शुभघाट लगायतका क्षेत्रमा बाढीका कारण भएको क्षतिबारे जानकारी लिएको छ ।