भोटेकोशी बाढीमा फसेका ८२९ जनाको हवाई उद्धार

काठमाडौं। भोटेकोशीमा आएको भीषण बाढी प्रभावितको उद्धार र खोजी जारी रहेको नेपाली सेनाले जनाएको छ। सैनिक जनसम्पर्क तथा निर्देशनालयका अनुसार रसुवा र नुवाकोट क्षेत्रमा नेपाली सेनाका ६ र निजी क्षेत्रका ९ वटा हेलिकप्टरद्वारा उद्धार भइरहेको छ।

जंगी अड्डाका अनुसार अहिलेसम्म ८२९ जनाको हवाई उद्धार गरिएको छ। त्यसमा १०१ विदेशी पर्यटक रहेका छन्। सेनाले अन्य २०० जनाको जमिनबाट उद्धार गरेको छ।