विश्वासको मत लिनुअघि मधेस सरकारको समीकरण परिवर्तन

नेपाली कांग्रेसका कृष्णप्रसाद यादव नेतृत्वको मधेस सरकारको सत्ता समीकरण फेरिएको छ । जसपा, जनमत, नेपाली कम्युनिस्ट पार्टीसहितको समीकरणको कांग्रेस नेतृत्वको सरकारमा नेकपा एमालेको प्रवेशसँगै सत्ता समीकरण फेरिएको हो ।

मुख्यमन्त्री कृष्णप्रसाद यादवले नागरिकसँग फोनमा भने, ‘मधेस प्रदेश सरकारको सत्ता समीकरण फेरिएको छ । अब कांग्रेस नेतृत्वको सरकारमा नेकपा एमालेको प्रवेश भएको छ । जसपा र जनमत समीकरणबाट बाहिरिएका छन् । कांग्रेस नेतृत्वको सरकारलाई नेकपा एमाले, नेपाली कम्युनिस्ट पार्टीको समर्थनसहित सत्ता समीकरण निर्माण भएको छ ।’