क्युबाका राष्ट्रपतिमाथि अमेरिकाले लगायो प्रतिबन्ध

वासिङ्टन डीसी । अमेरिका र क्युबाबिचको तनाव फेरि चर्किएको छ । अमेरिकी राष्ट्रपति डोनाल्ड ट्रम्पको प्रशासनले क्युबाका राष्ट्रपति मिगुएल डियाज–कानेल, उनकी पत्नी तथा उच्च सरकारी अधिकारीहरूमाथि नयाँ प्रतिबन्ध लगाएको छ ।

अमेरिकाले क्युबा सरकारमाथि थप दबाब सिर्जना गर्न यो कदम चालेको जनाएको छ । नयाँ प्रतिबन्धपछि दुवै देशबिचको सम्बन्धमा थप चिसोपना आएको छ । क्युबाले भने अमेरिकाको निर्णयलाई आफ्नो सार्वभौमिकतामाथिको आक्रमण र आन्तरिक मामिलामा खुला हस्तक्षेपको संज्ञा दिएको छ ।