युक्रेनलाई ईयूको ‘एसोसियट सदस्य’ बनाउन जर्मन चान्सलरको प्रस्ताव

काठमाडौं । जर्मन चान्सलर फ्रेडरिक मर्जले युक्रेन पूर्ण सदस्यताका लागि आवश्यक प्रक्रिया पूरा हुनुअघि नै उसलाई युरोपेली युनियन (ईयू) को ‘एसोसियट सदस्य’ बनाउने प्रस्ताव अघि सारेका छन् ।

बिहीबार (मे २१)मा समाचार एजेन्सीहरूलाई प्राप्त भएकोे एक पत्रमा चान्सलर मर्जले युरोपेली युनियनका प्रमुख उर्सुला फन डेर लायन र एन्टोनियो कोस्टालाई युक्रेनी अधिकारीहरूलाई मतदान अधिकारबिनै ईयूका शिखर सम्मेलन तथा मन्त्रीस्तरीय बैठकहरूमा सहभागी हुन अनुमति दिनुपर्ने सुझाव दिएका छन् ।