भीम अस्पतालमा पूर्वाधार र विशेषज्ञ जनशक्ति थप्ने प्रदेश सरकारको तयारी

दैनिक बिरामीको चर्को चाप खेपिरहेको भैरहवास्थित भीम अस्पताललाई १०० शय्याको सुविधासम्पन्न अस्पतालमा विस्तार गरिने भएको छ।

लुम्बिनी प्रदेशका स्वास्थ्यमन्त्री दीपेन्द्रकुमार पुनले ५० शय्याको हालको क्षमताले बिरामीको चाप धान्न नसकेकाले भौतिक संरचना र जनशक्ति थपेर अस्पताललाई १०० शय्यामा स्तरोन्नति गर्न प्रदेश सरकारले आवश्यक पहल तथा सहयोग गर्ने प्रतिबद्धता जनाएका हुन्।