रसुवा बाढीपछि काठमाडौं प्रशासनको सक्रियता- २४ सै घण्टा सामग्री संकलन, पीडितलाई घरदैलोमै राहत

रसुवा, नुवाकोट र धादिङलगायतका जिल्लामा आएको बाढीपछि जिल्ला प्रशासन कार्यालय काठमाडौंले पीडितहरूको उद्धार, राहत र व्यवस्थापनमा उच्च सक्रियता देखाएको छ ।

बाढीलगत्तै २४ सै घण्टा राहत सामग्री संकलनमा जुटेको प्रशासनले काठमाडौंमा आश्रय लिइरहेका प्रभावित २३ घर परिवारका १२२ जनालाई घरदैलोमै पुगेर आवश्यक राहत सामग्री वितरण गरिसकेको छ ।