जिल्ला अधिवेशन मिति सार्न सभापति थापाको प्रस्ताव

काठमाडौं– कांग्रेस सभापति गगन थापाले पार्टीका जिल्ला अधिवेशन सार्न प्रस्ताव गरेका छन् । केन्द्रीय कार्यसम्पादन समितिको बैठकमा सभापति थापाले भोटेकोशी र त्रिशूली बाढीबाट अति प्रभावित जिल्लाहरूमा तत्काल वडा अधिवेशन गर्न सक्ने अवस्था नरहेको भन्दै अधिवेशनको मिति सार्न प्रस्ताव गरेका हुन् ।

उनले अहिले अधिवेशनभन्दा पनि बाढी पीडितको राहत र उद्धार प्राथमिकतामा रहेको बताएका हुन् । कांग्रेसले यसअघि भदौ २४ गते वडा अधिवेशन गर्ने गरी निर्वाचन समिति मार्फत कार्यतालिका सार्वजनिक गरेको थियो । तर, विपद्को गम्भीर अवस्थालाई मध्यनजर गर्दै थापाले यी जिल्लाहरूमा अधिवेशनको मिति परिमार्जन गर्न प्रस्ताव गरेका हुन् ।