गुजरातसँग ८९ रनले पराजित भएपछि चेन्नई आईपीएलको प्लेअफ दौडबाट बाहिरियो

काठमाडौँ । इन्डियन प्रिमियर लिग अन्तर्गत बिहीबारको खेलमा गुजरात टाइटन्सले चेन्नई सुपर किंग्सलाई ८९ रनको विशाल अन्तरले पराजित गरेको छ । प्लेअफमा पुग्न आजको खेल जित्नै पर्ने दबाबमा रहेको चेन्नई यो हारसँगै प्रतियोगिताबाट बाहिरिएको छ ।

पहिले ब्याटिङ गरेको गुजरात टाइटन्सले निर्धारित २० ओभरमा ४ विकेट गुमाउँदै २२९ रनको विशाल योगफल तयार पारेको थियो । गुजरातका लागि साई सुदर्शनले ५३ बलमा ८४ रनको उत्कृष्ट इनिङ खेले भने कप्तान शुभमन गिलले ६४ रन बनाए । त्यस्तै, जोस बटलरले मात्र २७ बलमा विष्फोटक ५७ रनको योगदान दिए ।