मनोरञ्जन

जेरी र शंकर क्षेत्रीको सम्बन्ध विच्छेद

merolifestyle.com · Thu Nov 10 13:06:29 GMT 2022

लोक गायिका बबिता बानियाँ ‘जेरी’ र गायक शंकर क्षेत्रीको सम्बन्ध विच्छेद भएको छ । उनीहरूले बिहीबार काठमाडौं जिल्ला अदालत पुगेर सम्बन्ध विच्छेद गरेका हुन्।

उनीहरूबीच बच्चाको लालनपालन शंकरले हेर्ने तर उमेर नपुग्दासम्म आमासँगै राख्ने सहमति भएको छ।

सम्बन्ध विच्छेद गरेपछि बबिता बानियाँ ‘जेरी’ले मिडियासँग कुराकानी गर्दै पैसाको कुरामा मतभेद भएको बताएकी छन्।

‘उहाँले मलाई भन्दा पनि मैले कमाउने पैसालाई प्रेम गर्नु भएको रहेछ। मैले कमाएको पैसा उहाँको आमाछोराको नाममा राख्नु पर्ने बाध्यता थियो। पैसाकै कारण आज हामी यो स्थितिमा पुग्यौं।’ उनले भनेकी छन् ‘तँ सँग विवाह गरेर मेरो बदनाम भयो। मलाई कस्ता–कस्ता केटीले कुरेर बसेका थिए। न उमेर मिल्ने, न रुपरंग मिल्ने यस्तोसँग फसे भन्दै मानसिक यातना दिइरहनु हुन्थ्यो,’ उनले भनेकी छन्।

जेरी र शंकरले २०७६ माघ १ गते विवाह गरेका थिए।