पुटिनसँगको वार्तापछि युक्रेन पुगे अमेरिकी प्रतिनिधिमण्डल

युक्रेन–रुस युद्ध अन्त्य गर्ने उद्देश्यसहित अमेरिकाले आफ्नो कूटनीतिक प्रयासलाई तीव्र बनाइरहेको छ। यसैबिच अमेरिकी विशेष दूत स्टिभ विटकफ र राष्ट्रपति डोनाल्ड ट्रम्पका ज्वाइँ जारेड कुशनर मस्कोमा रुसी राष्ट्रपति भ्लादिमिर पुटिनसँग उच्चस्तरीय वार्ता सम्पन्न गरेपछि आइतबार कीभ पुगेका छन्।

युद्ध सुरु भएयता विटकफ र कुशनरको यो युक्रेनी राजधानीको पहिलो भ्रमण हो। कीभमा लगातार भइरहेका रुसी मिसाइल तथा ड्रोन आक्रमणबीच उनीहरु त्यहाँ पुगेका हुन्।