अघिल्लो सरकारले स्थगित गरेको फुल अडिट स्वर्णिमले किन ब्युँत्याए ?

काठमाडौँ । अर्थतन्त्रमा शिथिलता छाएको र लगानीको वातावरण खस्किरहेको समयमा कर प्रशासन र व्यवसायीबिच पुरानै विवाद फेरि सतहमा आएको छ । विवादको केन्द्र बनेको छ– फुल अडिट अर्थात् पूर्ण कर परीक्षण ।

जेनजी आन्दोलनपछि बनेको चुनावी सरकारका अर्थमन्त्री रामेश्वर खनालले व्यवसायीहरूको गुनासो र कर प्रशासनमा देखिएको विकृति हटाउन भन्दै पूर्ण कर परीक्षण रोकेको थियो । यसलाई जोखिममा आधारित कर परीक्षणको विधि अपनाउने उनको निर्णय थियो ।