भन्सार क्षेत्रमा यात्रुलाई दुःख दिने चार जना नियन्त्रणमा

सिद्धार्थनगर । जिल्ला प्रहरी कार्यालय रुपन्देही र सशस्त्र प्रहरी बल नेपाल नं २७ गण मुख्यालय रुपन्देहीको संयुक्त टोलीले भैरहवा भन्सार क्षेत्रमा सञ्चालन गरेको डग स्निफिङसहितको स्वीप अपरेसनका क्रममा चार जनालाई नियन्त्रणमा लिएको छ।

रुपन्देही जिल्ला प्रहरी कार्यालयका सूचना अधिकारी एवं प्रहरी नायब उपरीक्षक कृष्णकुमार चन्दले भैरहवा भन्सार कार्यालयको यात्रु शाखामा यात्रुलाई अनावश्यक हैरानी दिइरहेका व्यक्तिलाई आइतबार नियन्त्रणमा लिई थप अनुसन्धान अघि बढाइएको बताए ।