महाकाली नदीमा निर्माणाधीन चार लेनको पक्की पुल नजिकको क्षतिग्रस्त गाइडबण्ड पुनर्निर्माणका लागि नेपाली सेना

काठमाडौं — कञ्चनपुरको भीमदत्त नगरपालिका–१२ स्थित महाकाली नदीमा निर्माणाधीन चार लेनको पक्की पुल नजिकको क्षतिग्रस्त गाइडबण्ड पुनर्निर्माणका लागि नेपाली सेना खटिएको छ।

सरकारले आसन्न वर्षात्को जोखिमलाई ध्यानमा राख्दै शनिबारदेखि पुनः सेनालाई परिचालन गरेको हो। यसअघि पनि गत वर्ष गाइडबण्ड निर्माणका लागि सो क्षेत्रलाई सङ्कटग्रस्त घोषणा गरी सेनालाई जिम्मेवारी दिइएको थियो।