नर्वेसँग पराजित भएसँगै नेयमारले लिए अन्तर्राष्ट्रिय फुटबलबाट सन्यास

फिफा विश्वकप २०२६ को राउन्ड अफ १६ मा नर्वेसँग २-१ गोल अन्तरले पराजित हुँदै ब्राजिल प्रतियोगिताबाट बाहिरिएपछि स्टार खेलाडी नेयमारले अन्तर्राष्ट्रिय फुटबलबाट सन्यासको घोषणा गरेका छन्।

अमेरिकाको न्यु जर्सीस्थित मेटलाइफ स्टेडियममा भएको यो हारले ब्राजिलको विश्वकप यात्रालाई पूर्णविराम लगाइदिएको छ। नर्वेका एर्लिङ हालान्डले खेलको ७९औँ र ९०औँ मिनेटमा दुई गोल गर्दै टोलीलाई ऐतिहासिक जित दिलाए। खेलको इन्ज्युरी समयमा ब्राजिलका लागि नेयमारले पेनाल्टीमार्फत सान्त्वना गोल गरे पनि त्यो जितका लागि पर्याप्त भएन। सन् १९९० पछि विश्वकपको यो चरणबाट ब्राजिल बाहिरिएको यो पहिलो पटक हो। खेलको अन्तिम सिट्टी बज्नासाथ मैदानमा भक्कानिँदै ढलेका ३४ वर्षीय नेयमारलाई उनका सहकर्मीले सान्त्वना दिएका थिए।