राजेश हमाल भन्छन्- ‘सीमापार अतिक्रमण र राज्य–प्रायोजित भू–अतिक्रमण फरक विषय’

काठमाडौं । अभिनेता राजेश हमालले नेपाल–भारत सीमा विवादका विषयमा सीमापार अतिक्रमण र राज्य–प्रायोजित भू–अतिक्रमणलाई एउटै रूपमा बुझ्न नहुने बताएका छन्।

हमालले सामाजिक सञ्जालमार्फत आफ्नो धारणा सार्वजनिक गर्दै खुला सीमाका कारण स्थानीय तहमा देखिने सीमासम्बन्धी समस्याहरूलाई राज्यको योजनाबद्ध भू–अतिक्रमणसँग जोडेर हेर्न नमिल्ने बताएका हुन्। उनका अनुसार नेपाल–भारत खुला सीमाका कारण दुवै देशका नागरिकबीच शताब्दीयौंदेखि व्यापार, खेतीपाती र सामाजिक सम्बन्ध रहँदै आएको छ।