फेरि पहिरो र सडक भासिएपछि कर्णाली राजमार्ग पूर्ण रूपमा अवरुद्ध

लगातार भइरहेको वर्षाका कारण कालीकोट खण्डको कर्णाली राजमार्ग पुनः अवरुद्ध भएको छ। खाँडाचक्र नगरपालिका–७ पिली र पाखाको सीमाना रातिमाटामा सडक भासिएपछि राजमार्ग पूर्ण रूपमा अवरुद्ध भएको हो।

जिल्ला प्रहरी कार्यालय कालीकोटका अनुसार आइतबार साँझ ५:२० बजेतिर करिब ५ देखि ७ मिटर सडक भासिएपछि कर्णाली राजमार्गको यातायात पूर्ण रूपमा रोकिएको हो। कालीकोटका प्रहरी प्रमुख हिमबहादुर खत्रीले सडक भासिएसँगै राजमार्गमा आवतजावत गर्ने सवारीसाधन बाटोमै रोकिएको बताए।